Vaqif Sadıqov səfərə “99”la çıxdı

12.02.2010 - 13:43

Unibank Premyer Liqasının XX turu Bakının “Neftçi” klubunun baş məşqçisi Vaqif Sadıqov üçün əlamətdar olacaq. Apasport.az saytının hesablamalarına görə, 51 yaşlı mütəxəssis karyerasında 100-cü dəfə “ağ-qaralar”ı meydana çıxaracaq.

İlk dəfə 17 il əvvəl “Neftçi”nin “sükanı arxasına” keçən Sadıqov komandanı 5 müxtəlif yarışda 83 qarşılaşmaya çıxardıqdan sonra istefa vermişdi. Həmin iki il yarımdan bir az çox dövrdə bakılılar daha çox oyun keçirməli idi. Lakin 1993/94 mövsümü başa çatmamış qatıldığı yarışları tərk edən komanda təkcə çempionatda 8 texniki məğlubiyyət aldı. Həmin nəticələri nəzərə almamaqla, Sadıqov nəhs – 13 məğlubiyyətlə klubunu tərk etdi. Ötən il 16 illik fasilədən sonra “Neftçi”yə qayıdan və artıq 16 dəfə yetirmələrini meydana çıxaran mütəxəssis sabah “Karvan”la Yevlaxdakı oyunda yubileyini qeyd edəcək.

1993-cü il mayın 18-dən 1995-ci il dekabrın 5-dək
Çempionat	64	40	15	9	147-40	135
Kubok	13	11	1	1	36-8	34
Superkubok	1	0	1	0	1-1	1
Birlik kuboku	3	1	0	2	1-6	3
Kuboklar Kuboku	2	0	1	1	0-3	1
2009-cu il sentyabrın 1-dən indiyədək
Çempionat	14	5	7	2	14-9	22
Kubok	2	2	0	0	7-0	6
Cəmi	99	59	25	15	206-67	202

Qeyd edək ki, sabah indiki klublarını 100-cü oyuna çıxaracaq Ağasəlim Mircavadov və Vaqif Sadıqova qədər hazırda iş başında olan Yunis Hüseynov (“Karvan”), Roman Pokora (“Simurq”), Ramiz Məmmədov (“Qəbələ”) öz klubunda “100” həddini adlayıb.