Azərbaycanlı milyarder Telman İsmayılov Qroznının “Terek” klubuna sponsorluq edəcək. Apasport.az saytının məlumatına görə, həmyerlimiz bu komandaya himayədarlıq etmək fikrindədir. Bu barədə “Terek”in vitse-prezidenti Haydar Alxanov Qroznıda keçirdiyi mətbuat konfransında bildirib ki, növbəti mövsümdə iki sponsor klubun büdcəsinə böyük məbləğdə sərmayə qoyacaq: “Bunlar “ZATO-Bank” və Çerkizovo bazarının keçmiş sahibi olan biznesmen Telman İsmayılovdur. İsmayılovla sponsorluqla bağlı razılıq yaxınlarda əldə olunub. “ZATO-Bank”la anlaşma isə klubumuzun prezidenti Ramzan Kadırovun vasitəçiliyi sayəsində mümkün olub. Hər iki sponsorun sərmayəsi kifayət qədər olacaq və bu, bizim kluba yeni mövsümü qayğısız keçirməyə imkan verəcək”.

• "Siti"nin futbolçusu Bundesliqa yolunda
• Immobile "Bolonya"da
• Teo Hernandez “Əl-Hilal”da
• "Fənərbaxça" lotereya qazandı: Transfer qiyməti ilə tarixə düşəcək
• Orkun Kökçü İstanbula gələcək