Dünyanın ən yüksək ödənişli futbolçularının siyahısı açıqlanıb. Apasport.az saytının məlumatına görə, planetin ən bahalı futbolçusu olan Kriştianu Ronaldo həm də hamıdan çox qazanır. Madrid “Real”ının 25 yaşlı portuqaliyalı yarımmüdafiəçinin illik məvacibi 13 milyon avrodur.

Onun ən yaxın izləyiciləri “Real”ın prinsipial rəqibi olan “Barselona” klubunun hücumçularıdır. Belə ki, isveçli Zlatan İbrahimoviç ildə 12, argentinalı Lionel Messi 10,5 milyon avro qazanır. Həm Ronaldo, həm İbrahimoviç milli komandalarının heyətində yığmamıza qarşı rəsmi oyunlarda iştirak edərək, qol da vurub.

Qeyd edək ki, postsovet məkanı bu siyahıda Andrey Arşavinlə öyünə bilər. Rus hücumçunun Londonun “Arsenal” klubunda illik məvacibi 4,8 milyon avro təşkil edir. Ötən seçmə mərhələdə Rusiya yığmasının kapitanı kimi Bakıya gələn, yığmamıza qol vuran Arşavin dünyada 47-ci yerdə gedir.

• "Fənərbaxça" "Tottenhem"lə danışıqlara başlayıb
• Ali Koç "Qalatasaray"ın Osimheni almasına razılıq verib
• "Qalatasaray" Osimhen transferində sona yaxınlaşır
• "Qalatasaray" istəyirdi - "Roma"da qaldı
• Seneqallı futbolçu "Fənər"də