“Hakimlikdən ömürlük kənarlaşdırılan Anar Niyazov bağışlanmayıb”. Bunu apasport.az saytına açıqlamasında AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu deyib.

Ölkə mətbuatında sabiq FİFA referisinin bağışlanması barədə yayılan xəbərləri dezinformasiya adlandıran Nərimanoğlunun sözlərinə görə, AFFA bununla bağlı hər hansı qərar çıxarmayıb.

Xatırladaq ki, bir müddət əvvəl AFFA başçısına müraciət ünvanlayan Niyazov əvvəlcə Abdullayevin AFFA-ya başçılıq etdiyi dövrdə gördüyü işlərdən, həyata keçirdiyi layihələrdən uzun-uzadı bəhs edib. Daha sonra isə gənc olmasını nəzərə alaraq, buraxdığı nöqsanları bağışlamağı xahiş edib. Niyazov Abdullayevdən futbol sahəsinə aid bir işlə təmin olunmasına kömək etməyi istəmişdi.

• "Fənərbaxça" "Tottenhem"lə danışıqlara başlayıb
• Ali Koç "Qalatasaray"ın Osimheni almasına razılıq verib
• "Qalatasaray" Osimhen transferində sona yaxınlaşır
• "Qalatasaray" istəyirdi - "Roma"da qaldı
• Seneqallı futbolçu "Fənər"də