Qurban Qurbanov “99”nu dəyişir

16.02.2010 - 11:16

Unibank Premyer Liqasının XXI turu Ağdamın “Qarabağ” klubunun baş məşqçisi Qurban Qurbanov üçün əlamətdar olacaq. Apasport.az saytının hesablamalarına görə, 38 yaşlı mütəxəssis baş məşqçi karyerasında 100-cü oyununu keçirəcək.

“İnter”lə sabahkı qarşılaşmada “99”u “100”ə dəyişəcək Qurbanov məşqçi karyerasına 4 il əvvəl başlayıb. 2006-cı ilin yayında “Neftçi”nin “sükanı arxasına” keçən gənc çalışdırıcı avqustun 6-da “Gənclərbirliyi” ilə görüşdə debüt edib – 6:1. Lakin bu klubdakı 14 aylıq fəaliyyətdən sonra istefaya göndərilib.

Baş məşqçi kimi ikinci klubu “Qarabağ” olan Qurbanov 2008-ci ilin yayından Ağdam təmsilçisində çalışır. “Neftçi” ilə ölkə çempionatının gümüş mükafatını, ağdamlılarla isə ölkə kubokunu qazanan Qurbanov avrokuboklarda qələbəsi məğlubiyyətindən iki dəfə çox olan yeganə azərbaycanlı məşqçidir.

Qeyd edək ki, yubilyarın karyerasında sabahkı rəqibin xüsusi yeri var. O, futbolçu kimi son matçlarını “İnter”də keçirib, funksioner fəaliyyətinə (idman direktoru) həmin klubda başlayıb. “Neftçi”nin baş məşqçi postuna məhz “İnter”dən gələn Qurbanov elə bu komanda ilə 2007-ci ilin avqustundakı qarşılaşmadan sonra (0:0) vəzifəsini tərk etmişdi.

klub	mövsüm	turnir	O	Q	H	M	T	X
“Neftçi”	2006/07	çempionat	24	17	3	4	47-15	54
		kubok	8	5	2	1	19-5	17
	2007/08	UEFA kuboku	2	1	0	1	3-4	3
		çempionat	4	2	1	1	7-4	7
	CƏMİ		38	25	6	7	76-28	81
“Qarabağ”	2008/09	çempionat	26	14	7	5	35-22	49
		kubok	7	5	2	0	9-2	17
	2009/10	Avropa Liqası	6	3	2	1	5-4	11
		çempionat	20	11	7	2	19-10	40
		kubok	2	1	1	0	4-0	4
	CƏMİ		61	34	19	8	72-38	121
ümumi		çempionat	74	44	18	12	108-51	150
		Kubok	17	11	4	2	32-7	38
		UEFA/Avropa Liqası	8	4	2	2	8-8	14
	CƏMİ		99	59	24	16	148-66	202