Unibank Premyer Liqasının XXII turunun mərkəzi qarşılaşmasında üz-üzə gələcək “İnter” və “Neftçi” ölkə çempionatları tarixində 21-ci dəfə üz-üzə gələcək. Apasport.az saytının məlumatına görə, paytaxt derbisində aşkar üstünlük “Neftçi”nin tərəfindədir.

Dördqat ölkə çempionu əvvəlki oyunların yarıdan çoxunda – 11 dəfə qalib gəlib. “İnter” isə 11 il ərzində 3 dəfə “ağ-qaralar”ı ağ bayraq qaldırmağa vadar edib. Top fərqində də “Neftçi”nin üstünlüyü nəzərə çarpır – 36:18.

“Şəfa” stadionuna qonaq qismində çıxacaq Vaqif Sadıqovun yetirmələri səfər matçlarında özünü qonaq kimi aparmır. “İnter”in meydanındakı 5 görüşdə flaqman, 1 dəfə isə “bankirlər” qalib gəlib. Meydan sahiblərinin həmin – yeganə ev qələbəsi də uzaq keçmişdə qalıb. 6 il əvvəl Kazbek Tuayevin istefası ilə nəticələnən qarşılaşmada qələbə Anatoli Konkov dönəmində əldə olunmuşdu. 2004-cü il oktyabrın 30-da Zabrat qəsəbə stadionundakı həmin istefa isə “İnter”in tilsimlənməsi ilə nəticələndi. Bəlkə də bunun nəticəsidir ki, artıq 1939 gündür öz meydanında həmşəhərliləri ilə bacarmır.

mövsüm	“İnter”in meydanı	“Neftçi”nin meydanı
1999/2000	2:3	1:5
2000/01	1:4	2:7
2001/02, birinci mərhələ	0:2	0:0
İkinci mərhələ	0:1	-
2003/04	0:0	1:2
2004/05	2:1	1:1
2005/06	1:1	0:1
2006/07	0:1	1:0
2007/08	0:0	0:2
2008/09	2:2	3:1
2009/10		1:2

• "Fənərbaxça"dan növbəti transfer: Müdafiə xəttinə
• "Fənərbaxça" "Fatih Karagümrük"lə bərabərə qalıb
• Messi "Barselona"nın dəvətindən imtina edə bilər
• "Benfika" Orkun Kökçü transferinin detallarını açıqlayıb
• "Fənərbaxça"da şok ayrılıq: İstefa verdi