Azərbaycan yığması Avstriyanı sevindirdi

03.03.2010 - 11:10

21 yaşadək futbolçulardan ibarət Azərbaycan milli komandasının Şotlandiya ilə səfərdə heç-heçə etməsi böyük sevinclə qarşılanıb. Apasport.az saytının məlumatına görə, Bernard Lippertin yetirmələrinin Falkirk şəhərinin eyni adlı stadionundakı 2:2 hesablı nəticəsi ölkəmizlə yanaşı, Avstriya və Belarusda da bayram kimi qəbul olunub.

Avropa çempionatının final mərhələsinə çıxmaq iddiasında olan bu iki komanda qrup qalibi adına digər namizəd – Şotlandiyanın 2 xal itirməsinə sevinib. Avstriyalıların da Albaniya ilə matçda büdrədiyini nəzərə alsaq, autsayderlərə xal verməyən Belarus indi daha yaxşı vəziyyətdədir. Şotlandiya – Azərbaycan oyunu turnir cədvəlində dəyişikliyə səbəb olmasa da, belaruslular vahid potensial liderliyi ələ keçirib. Bu heç-heçədən sonra millimiz sonuncu pilləni tərk etmək şansı yaxalayıb. Artıq növbəti qarşılaşma yığmamız üçün final xarakteri daşıyacaq. Bakıda Albaniyanı udacağı halda, komandamız 4-cü pilləyə yüksələ bilər.

1	Avstriya	6	4	1	1	13-6	13
2	Şotlandiya	6	4	1	1	13-5	13
3	Belarus	5	4	0	1	11-7	12
4	Albaniya	7	1	1	5	9-17	4
5	Azərbaycan	6	0	1	5	5-16	1

Qrupumuzda qalan oyunlar:

11.08.2010. Avstriya – Belarus
04.09.2010. Belarus – Şotlandiya və Azərbaycan – Albaniya
07.09.2010 Şotlandiya – Avstriya və Belarus - Azərbaycan