Məşhur ingilis futbolçu Devid Bekhem məşqçiliyə başlayır. Apasport.az saytının məlumatına görə, İngiltərə yığmasının baş məşqçisi Fabio Kapello “Milan” klubunda oynayan 35 yaşlı yarımmüdafiəçiyə özünə köməkçisi olmağı təklif edib.

İtaliya A seriyasının son turunda “Kyevo” ilə ev oyununda daban nahiyəsindən ağır zədə aldıqdan sonra uzun müddətə sıradan çıxan Bekhem böyük ehtimalla DÇ-2010-a qədər sağala bilməyəcək. İtalyan mütəxəssis Devidin mundialda yığmanın məşqçilər korpusunda yer almasını istəyir: “Bekhemlə zədə aldığı oyundan sonra söhbət etdim. Bu, ilk növbədə onu dəstəkləmək üçün idi. Devid əla futbolçudur. O, CAR-a getmək üçün çox işləyib. Belə olan halda, dünya çempionatını buraxmaq Bekhemə ağır zərbə olacaq”.

• La Liqada baş məşqçi istefası
• Çalhanoğlu "Bavariya"nın hədəfində
• Maquayrın durumuna aydınlıq gəldi
• Türkiyənin ən dəyərli futbolçusu açıqlanıb - Siyahı
• "Beşiktaş"ın ulduz futbolçusu millinin şəraitini bəyənmədiyi üçün komandasından ayrılıb