Unibank Premyer Liqasında XXIV turunun iki oyunu canlı yayımlanacaq. Apasport.az saytının Peşəkar Futbol Liqasının rəsmi saytına istinadən verdiyi məlumata görə, azarkeşlərimiz ilk “altılığ”ın üç görüşündən ikisini - “Qəbələ” - “Qarabağ” və “İnter” - “Xəzər-Lənkəran” oyununu izləyə bilərlər.

Qəbələdəki oyunun AzTV, “Şəfa” stadionundakı görüşün “İdman Azərbaycan” kanalı ilə göstərilməsi nəzərdə tutulub. Martın 21-də keçiriləcək bu oyunlardan “İnter” - “Xəzər-Lənkəran”ın vaxtı məhz canlı yayıma görə dəyişdirilib. Belə ki, saat 16:00-da startı verilməli olan turun mərkəzi oyunu bu səbəbdən 15 dəqiqə sonra başlayacaq.

Qeyd edək ki, “Qəbələ” – “Qarabağ” oyunu saat 15:00-da başlayacaq.

• Yohan Neskens vəfat edib
• “Aston Villa”da yeni müqavilə
• “Barselona” Fransa klubunun qapıçısını transfer edə bilər
• Ronaldo yeni rekorda imza atıb
• De Xeanın qayıdışı - Son 8 ildə ilk...