“Xəzər-Lənkəran” - “Qarabağ” oyununa yenə fərq qoyuldu

31.03.2010 - 13:40

Unibank Premyer Liqasında XXVI turun oyunlarının başlama vaxtı açıqlanıb. Apasport.az-ın Peşəkar Futbol Liqasının rəsmi saytına istinadən məlumatına görə, şənbə və bazar günləri keçiriləcək turda yalnız “Xəzər-Lənkəran” – “Qarabağ” görüşü fərqli vaxtda başlayacaq.

Lənkərandakı stadionda süni işıqlandırma sisteminin olması nəzərə alınaraq, oyunun gec başlanmasında problem görülməyib. Həmin gün bütün oyunlar başa çatandan sonra “Xəzər-Lənkəran” – “Qarabağ” görüşünə start veriləcək.

Qeyd edək ki, bu komandaların martın 17-də Lənkəranda Azərbaycan kuboku uğrunda ¼ finalda cavab görüşü də saat 18:00-da başlanmışdı.

3 aprel

16:00. "Neftçi" - "Qəbələ"
Bakı. İsmət Qayıbov adına Bakıxanov qəsəbə stadionu

16:00. "Simurq" - "Muğan"
Zaqatala. Olimpiya İdman Kompleksinin stadionu

16:00. "Olimpik-Şüvəlan" - "Turan"
Bakı. "Şəfa" stadionu

18:00. "Xəzər-Lənkəran" - "Qarabağ"
Lənkəran. Şəhər mərkəzi stadionu

4 aprel

16:00. "İnter" - "Bakı"
Bakı. "Şəfa" stadionu

16:00. "Karvan" - "Standard"
Yevlax. Şəhər stadionu