AFFA-nın İntizam Komitəsi tərəfindən sərt cəzaya məruz qalan “Xəzər-Lənkəran” Unibank Premyer Liqasının XXVI turu ərəfəsində ağır zərbə alıb. Apasport.az saytının məlumatına görə, çempionluq iddiasında olan komanda qarşıdakı 4 oyuna baş məşqçisiz çıxacaq.

“Neftçi” ilə Lənkərandakı qarşılaşmada yol verdiyi hərəkətləri məhz belə qiymətləndirilən Ağasəlim Mircavadov çempionatın XXXI turunadək texniki zonaya buraxılmayacaq. Maraqlıdır ki, 63 yaşlı mütəxəssis elə “Neftçi” ilə görüşdə vəzifəsini meydanın kənarından icra edə biləcək. Bu qayıdış Tofiq Bəhramov adına Respublika stadionundakı görüşdə gerçəkləşəcək. Həmin matçadək Mircavadov digər 4 rəqiblə oyunları tribunada izləməli olacaq. Onun cəzalı kimi izləyəcəyi ilk qarşılaşma isə “Qarabağ”la görüş olacaq.

Ümumiyyətlə, Ağdam təmsilçisi baş məşqçisiz rəqiblərlə oynamaq üzrə ixtisaslaşıb. İş elə gətirir ki, AFFA-nın İntizam Komitəsi Qurban Qurbanovun yetirmələri ilə qarşılaşacaq komandanı bu görüş ərəfəsində cəzalandırır. “Xəzər-Lənkəran”adək “Qəbələ” və “Bakı”da “Qarabağ” önünə “başsız” çıxıb başarılı olub. Ramiz Məmmədovsuz qalan qəbələlilər iddialı rəqibdən 1 xal alıbsa (1:1), bakılılar Bülənt Korkmaz olmadan belə rəqibini iki cavabsız qola qonaq edib.

Baş məşqçilərin cəzalı olduğu oyunlar

Cəzalandığı gün	klub	Baş məşqçi	oyun	Hansı oyuna görə	Hansı oyunları buraxıb
01.12.2009	Qəbələ	Ramiz Məmmədov	1	Simurq	Qarabağ
22.12.2009	Turan	Nizami Sadıqov	2	İnter	Olimpik-Şüvəlan, Bakı
22.12.2009	İnter	Kaxaber Sxadadze	2	Turan	Qəbələ, Muğan
23.02.2010	Bakı	Bülənt Korkmaz	1	Muğan	Qarabağ
30.03.2010	Xəzər-Lənkəran	Ağasəlim Mircavadov	4	Neftçi	Qarabağ, Bakı, Qəbələ, İnter

• "Arsenal" heyətini ispaniyalı yarımmüdafiəçi ilə gücləndirəcək
• "Fənərbaxça"lı futbolçular arasında gərginlik - VİDEO
• FIFA irqçiliklə bağlı qanunları sərtləşdirib
• “Çelsi”nin kapitanı: “Bu turnirdə də qələbə qazanacağımızı gözləyirik”
• “Çelsi” niderlandlı forvardla maraqlanır