“Komandadan ayrılanda onlara sözümü demişəm. Müqaviləmin müddəti mayda başa çatacaq. Həmin ay da daxil olmaqla, maaşımı tələb edirəm və alacağam da”. Bu sözləri apasport.az saytına açıqlamasında Sumqayıtın “Standard” klubundan uzaqlaşdırılan 26 yaşlı yarımmüdafiəçi Ramal Hüseynov deyib.

Adətən, Azərbaycanda mövsümün gedişində heyətdən uzaqlaşdırılan futbolçuların əməkhaqqıları ödənilmir. Amma Ramal bildirib ki, nəyin bahasına olursa olsun, pulunu alacaq: “Həmkarlarım yəqin ki, qorxduqlarına, sözlərini deyə bilmədiklərinə görə geri çəkiliblər. Mənim Allahdan başqa, heç kimdən qorxum yoxdur və haqqımı sona qədər tələb edəcəyəm. Mənim haqqımı heç kim yeyə bilməz. Buna heç vaxt imkan vermərəm”.

Xatırladaq ki, Ramal Hüseynov cari mövsümün əvvəlində komandaya transfer olunmuşdu. Ramal "Standard"dan öncə "Qarabağ", "Bakı" və Türkiyənin "Kocaelispor" klubunun uğurları üçün çalışıb. Qısa zamanda Azərbaycan yığmasının da şərəfini qoruyub.

• Arda Turan Ukayna klubunu çalışdıracaq
• “Əl Nəsr” Ronaldo ilə yollarını ayıra bilər
• "Trabzonspor" – "Qalatasaray" matçı bu kanalda
• De Bruyne "Liverpul"a keçəcək?
• "Arsenal" heyətini ispaniyalı yarımmüdafiəçi ilə gücləndirəcək