“İnter” – “Bakı”: nəhs derbi

02.04.2010 - 14:08

Unibank Premyer Liqasının XXVI turunda qarşılaşacaq “İnter” və “Bakı” klubları çempionat çərçivəsində 13-cü dəfə qarşılaşacaq. Apasport.az saytının məlumatına görə, 2004-cü ilin yayından etibarən indiki adlarını daşıyan paytaxt təmsilçilərinin əvvəlki 12 görüşündə ənənə müşahidə olunur.

Belə ki, artıq 6 ildir “Bakı” “İnter” oyunlarında qol vuran komanda qalib gəlir. Yəni, ya komandaların biri qol vurur, ya da heç biri. “Qol vur, qalib gəl” prinsipinin davam etdiyi Bakı derbisində heç vaxt ikidən artıq qol da vurulmur. Ümumilikdə, “Bakı” 7, “İnter” 2 qələbə qazanıbsa, 3 dəfə heç-heçə qeydə alınıb.

Qeyd edək ki, son iki ilin çempionları olan “İnter” və “Bakı” müvafiq olaraq 2007/08 və 2008/09 mövsümlərində zəfər çalıb.

“İnter” – “Bakı”: çempionatdakı bütün oyunlar

13.12.2004	İnter	Bakı	0:0
15.05.2005	Bakı	İnter	2:0
17.12.2005	Bakı	İnter	1:0
29.05.2006	İnter	Bakı	0:1
17.09.2006	Bakı	İnter	2:0
28.04.2007	İnter	Bakı	0:1
25.08.2007	Bakı	İnter	0:0
01.03.2008	İnter	Bakı	1:0
24.08.2008	Bakı	İnter	0:0
28.02.2009	İnter	Bakı	0:1
22.10.2009	İnter	Bakı	1:0
09.12.2009	Bakı	İnter	2:0