“Bakı” klubunun sabiq baş məşqçisi Bülənt Korkmaz Azərbaycana qayıtmağın əleyhinə deyil. Apasport.az saytının məlumatına görə, 42 yaşlı türkiyəli mütəxəssis yarım il çalışdığı ölkəmizdəki fəaliyyətini davam etdirmək variantına pis baxmır.

Korkmaz gələcəkdə münasib təklifə razılıq verəcəyini istisna etmir: “Azərbaycanda yenə çalışa bilərəm. “Bu ölkədə çalışmaram” demərəm. Azərbaycanda futbol adına hər şey çox çətindir. Qar yağanda meydanı komandamla birgə təmizlədik. Azərbaycanlılar Türkiyə futbolunu və Türkiyəyə dair hər şeyi çox yaxından izləyirlər. Milli komandamızın Avro-2012-də Azərbaycan yığması ilə səfərdə oynayacağı qarşılaşma çox çətin olacaq”.

Qeyd edək ki, Korkmaz “Bakı”dan Premyer Liqanın XXIV turu çərçivəsində “Neftçi” ilə səfərdə 0:1 hesab məğlubiyyətlə nəticələnən oyundan sonra gedib.

• UEFA "Qarabağ"ın rəqibini cərimələyib
• “Qalatasaray” Osimhen transferində sona yaxınlaşır
• Aziz Yıldırım və Ali Koç arasında gərginlik - VİDEO
• Aziz Yıldırım: “Artıq uşaqlar “Fənərbaxça”lı olmur” - VİDEO
• Məşhur futbolçunun oğlu “Lion”da - RƏSMİ