“Latsio” Azərbaycan yığmasının qabağını kəsdi

03.04.2010 - 10:23

İtaliyada Manlio və Loris Skorpinyoların xatirəsinə həsr olunan sayca 18-ci ənənəvi turnirdə yarımfinalçılar müəyyənləşib. Apasport.az saytının məlumatına görə, 17 yaşadək futbolçulardan ibarət milli komandamızın da çıxış etdiyi yarışda qrup mərhələsi başa çatdıqdan sonra 4 “xoşbəxtin” adı məlum olub.

Mərhələnin yekunlaşması ilə C qrupunda ikinci yeri tutan Bernard Lippertin yetirmələrinin yarışı başa vurması da rəsmiləşib. Belə ki, turnirin əsasnaməsinə görə 3 qrup qalibi ilə yanaşı, ən yaxşı ikinci də 1/2 finala vəsiqə qazanıb. Lakin futbolçularımız digər ikinci komandalardan fərqli, qələbə qazanmamağının əziyyətini çəkib. Ən yaxşı qrup ikincisi isə “Latsio”nun yeniyetmələri olub.

A qrupu: “Askoli” – “Rieti” 2:3, “Rieti” – “Kalyari” 0:0, “Kalyari” – “Askoli” 2:3.

1	“Rieti”	2	1	1	0	3-2	4
2	“Askoli”	2	1	0	1	5-5	3
3	“Kalyari”	2	0	1	1	2-3	1

B qrupu: “Latsio” – “Valle del Giovense” 1:0, “Den Haaq” (Hollandiya) - “Valle del Giovense” 2:1, “Latsio” – “Den Haaq” 1:1.

1	“Den Haaq”	2	1	1	0	3-2	4
2	“Latsio”	2	1	1	0	2-1	4
3	“Valle del Giocvense”	2	0	0	2	1-3	0

C qrupu: Azərbaycan – “Ternana” 2:2, “Ternana” - “Roma” 1:2, “Roma” – Azərbaycan 3:2.

1	“Roma”	2	2	0	0	5-3	6
2	Azərbaycan	2	0	1	1	4-5	1
3	“Ternana”	2	0	1	1	3-4	1

Əvvəlcədən müəyyənləşdiyi kimi, bu gün baş tutacaq yarımfinal mərhələsində A və C qruplarının qalibləri bir-biri ilə, B qrupunun qalibi isə ən yaxşı ikinci yerlə görüşəcək: “Roma” – “Rieti”, “Den Haaq” – “Latsio”.

Maraqlıdır ki, “Latsio” B qrupunda çıxış etdiyindən yenidən “Den Haaq”la üz-üzə gələcək. Bu gün Bakı vaxtı ilə saat 13:00-da başlayacaq bu matçların qalibləri saat 20:00-da finalda Manlio Skorpinyo adına stadionda qarşılaşacaq.