Azərbaycan yığması İtaliyada tarix yazdı

03.04.2010 - 12:28

İtaliyanın Olbia şəhərində keçirilən sayca 2-ci Sardiniya kubokunda qrup mərhələsinə yekun vurulub. Apasport.az saytının məlumatına görə, yarışda iştirak edən 19 yaşadək futbolçulardan ibarət Azərbaycan milli komandası turnirin ilk günündə tarix yazıb.

Belə ki, millimiz hər biri cəmi 35 dəqiqədən ibarət olan hər iki qarşılaşmada qalib gələn yeganə iştirakçı olub. Əsasnaməyə əsasən, bütün matçlarda qalib müəyyənləşməli olduğundan əksər oyunların taleyini penaltilər seriyası həll edib. Lakin Bernard Lippertin yetirmələrindən fərqli, digər qrup qalibləri 1 qələbə ilə birinci olub.

A qrupu. “Yuventus” – Azərbaycan 0:1, “Yuventus” – “Marsel” (Fransa) 5:4, Azərbaycan – “Marsel” 5:4.

1. Azərbaycan – 2 qələbə
2. “Yuventus” – 1
3. “Marsel” – 0

B qrupu. “Atalanta” – “Rusenborq” (Norveç) 0:1, “Bayer” (Almaniya) – “Atalanta” 4:5, “Rusenborq” – “Bayer” 0:2.

1. “Bayer” – 1 (top fərqi 6-5)
2. “Atalanta” – 1 (top fərqi 5-5)
3.”Rusenborq” – 1 (top fərqi 1-2)

C qrupu. “Roma” – “Şaxtyor” (Ukrayna) 2:0, “Şaxtyor” – “Kuins Park Reyncers” (İngiltərə) 5:3, “Kuins Park Reyncers” – “Roma” 11:10.

1. “Roma” – 1 (top fərqi 12-11)
2. “Şaxtyor” - – 1 (top fərqi 5-5)
3. “Kuins Park Reyncers” – 1 (top fərqi 14-15)

D qrupu. “Kalyari” – “Slaviya” (Çexiya) 0:1, “Kalyari” – “Zenit” (Rusiya) 4:2, “Zenit” – “Slaviya” 5:4.

1. “Kalyari” – 1 (top fərqi 4-3)
2. “Slaviya” - 1 (top fərqi 5-5)
3. “Zenit” - 1(top fərqi 7-8)

Yarışın qaydasına əsasən, qruplarında birinci yeri tutan komandalar birbaşa 1/4 finala yüksəlib ki, bu mərhələnin oyunları axşam baş tutacaq. Gündüz isə digər iştirakçılar 1/8 finalda üz-üzə gələcək. Əsasnaməyə uyğun olaraq, bugünkü qarşılaşmalar hər biri 30 dəqiqədən ibarət iki hissə oynanılacaq.

1/8 final
“Rusenborq” – “Yuventus”
“Marsel” – “Artalanta”
“Kuins Park Reyncers” – “Kalyari”
“Zenit” – “Şaxtyor”
Qeyd edək ki, yığmamız “Kuins Park Reyncers” – “Kalyari” cütünün qalibi ilə qarşılaşacaq.