“Barselona” “Real”ı məğlub edib, liderliyə yüksəldi

11.04.2010 - 21:35

İspaniya Primerosunda 31-ci tura start verilib. Apasport.az saytının xəbərinə görə, turun mərkəzi qarşılaşması Madriddəki “Santyaqo Bernabeu” stadionunda əzəli rəqiblər “Real” və “Barselona” üz-üzə gəlib.

Dünyanın diqqət mərkəzində olan və 80 min tamaşaçının izlədiyi qarşılaşmada qapılara iki top vurulub. Həm də Ronaldo – Messi qarşıdurması sayılan oyunda argentinalı futbolçu fərqlənib. Məhz 33 dəqiqədə Messi hesabı açıb. İkinci hissənin əvvəllərində isə Pedro hesabı iki topa çatdırıb.

Ardıcıl dördüncü “El Klassiko”nu qazanan “Barsa” turnir cədvəlində birinci pilləyə qalxıb – 80 xal. “Real” isə 77 xalla ikinci yerdədir.

11 aprel

“Atletik” – “Almeyra” - 4:1
“Deportivo” – “Rasinq” - 1:1
“Osasuna” – “Saraqosa” - 2:0
“Espanyol” - “Atletiko” (Madrid) - 3:0
“Malyorka” - “Valensiya” - 3:2

10 aprel

“Real” – “Barselona” – 0:2
Messi, 33; Pedro, 56
“Vilyareal” – “Sportinq” - 1:0
“Heres” – “Hetafe” – 0:1
“Tenerife” – “Valyadolid” – 0:0
“Malaqa” – “Sevilya” – 1:2