“Məktəbli uşaqlar arasında turnirlərin keçirilməsi təqdirəlayiq haldır. “Azərbaycan Respublikasında 2005-2015-ci illərdə futbolun inkişafına dair Dövlət Proqramı” na uyğun olaraq futbolun təbliğinin artırılması məqsədi ilə bu tipli yarışlar mütəmadi keçiriləcək”. Apasport.az saytının xəbərinə görə, bunu AFFA-nın I vitse-prezidenti, Milli Məclisin deputatı Rauf Əliyev deyib.

AFFA, Təhsil Nazirliyi, “Azercell” və Səbayel rayon icra hakimiyyəti tərəfindən birgə təşkil olunan 4-cü sinif şagirdləri arasında “Məktəbli kuboku”nun final oyunundan sonra Əliyev bildirib ki, belə yarışların ölkənin bütün rayonlarında və yekunda respublika üzrə keçirilməsinə çalışacaqlar: “Layihə öncə Səbayel rayonunu əhatə etdi. Bu cür yarışların ölkənin bütün rayonlarında və yekunda respublika üzrə keçirilməsinə çalışacağıq. Bu addım respublikada futbolun kütləviləşməsinə nail olmaqla uşaqlarda futbola marağı artacaq”.

Mənbə: affa.az

• "Barselona" qol oldu, yağdı - 6 qollu qələbə
• Xabi Alonso “Real”ın tarixinə düşüb
• “Fənərbaxça” - “Trabzonspor” matçı bu kanalda
• “Beşiktaş”ın futbolçusu Yunanıstan klubunda - RƏSMİ
• “Fənərbaxça” – “Trabzonspor” oyununun saatı dəyişdirilib: MİLLİ MATÇA GÖRƏ