“Xəzər-Lənkəran”ın yarımmüdafiəçisi Dieqo Souza “Neftçi” ilə Lənkərandakı oyunu unuda bilmir. Bu barədə apasport.az saytına verdiyi açıqlamada braziliyalı futbolçu bildirib ki, final mərhələsinin I dövrəsində üzləşdikləri xal itkisinin əvəzini çıxmaq istəyirlər.

Dieqo Unibank Premyer Liqasının bu gün keçiriləcək XXX turunda flaqmanı məğlub etməklə çempionluğa doğru irəliləmək arzusundadır: “Neftçi” ilə qarşılaşma bizim üçün çox vacibdir. Cari mövsüm artıq 3 dəfə qarşılaşsaq da, qapılara qol vurulmayıb. Ancaq Lənkərandakı oyunda bəzi amillər qələbəmizə imkan vermədi. Ümid edirəm ki, bu oyunda haqq-ədalət öz yerini tapacaq”.

Qeyd edək ki, “Neftçi” və “Xəzər-Lənkəran”ın cari mövsüm baş tutan hər üç oyunu 0:0 hesabı ilə bitib.

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ