Azərbaycan yığmasının futbolçusu Vaqif Cavadov üçün 2009/10 mövsümü başa çatıb. Apasport.az saytının məlumatına görə, həmyerlimizin şərəfini qoruduğu Hollandiyanın “Tvente” klubunun həm əsas, həm də əvəzedici komandası yay fasiləsinə çıxıb.

Bu il yanvarın 11-də Enshede təmsilçisi ilə müqavilə bağlayan 21 yaşlı hücumçu 4 aya yaxın müddəti zədəlilər sırasında və ehtiyat oyunçular skamyasında keçirdi. Əsas komandanın baş məşqçisi Stiv Maklarenin, ümumiyyətlə güvənmədiyi və daha çox tribunada yer verdiyi Cavadov yalnız əvəzedici heyətdə şans qazandı.

Mayın 3-də ikinci komandaların yarışının yekunlaşması ilə Vaqif üçün 113 gündən ibarət “Tvente”dəki ilk mövsüm də başa çatdı. Bu müddətdə cəmi 3 görüşə çıxan hücumçu 1 dəfə yoldaşlıq, 2 dəfə çempionat matçında Rene Akenin etimadını qazandı. Hər 3 halda start heyətində meydana çıxan futbolçumuz vur-tut 168 dəqiqə oynadı. “Tvente” ilə müqavilənin mövsümün sona çatmasından 113 gün əvvəl bağlandığını nəzərə alsaq, Cavadov orta hesabla gündə 89,2 saniyə futbol oynayıb.

Qeyd edək ki, Hollandiyaya transferinədək – mövsümün ilk yarısını “Qarabağ”da keçirən Vaqif Ağdam təmsilçisinin heyətində 23 oyunda 5 qol vurmuşdu.

N	Tarix	komanda	Rəqib	hesab	Oyunun statusu	Dəqiqə
1	03.02.2010	əvəzedici	“Bohum”, Almaniya	1:4	yoldaşlıq	45, start heyətində
2	19.04.2010	əvəzedici	“Sparta”	1:2	çempionat	45, start heyətində
3	26.04.2010	əvəzedici	“Vitess”	0:2	çempionat	78, start heyətində

• “Qalatasaray”ın futbolçusu mərc qalmaqalı ilə bağlı açıqlama yayıb: DAHA DİQQƏTLİ OLACAĞAM
• “Real”ın heyətində daha bir İTKİ
• Necip Uysal: “Ömrüm boyu mərc oyunları ilə əlaqəm olmayıb”
• Türkiyədə mərc qalmaqalı: Aralarında “Qalatasaray” və “Beşiktaş”ın futbolçuları da var
• Super Liqa klubunun prezidenti və 3 hakim həbs edilib