Unibank Premyer Liqasının sonuncu turu daha bir avtoqolla əlamətdar olub. Apasport.az saytının məlumatına görə, mövsümün son uğursuzu “Olimpik-Şüvəlan” – “Muğan” qarşılaşmasında öz qapısına yol tapıb.

Qonaqların müdafiəçisi Davit Svanidze salyanlıları məyus etməklə, çempionatın 9-cu avtoqolunu rəsmiləşdirib. Maraqlıdır ki, mövsümün ilk uğursuzu da “Muğan”ın oyununda qapıları səhv salmışdı. Lakin 276 gün əvvəlki avtoqolun müəllifi olan digər gürcü – Oleq Qlevesiani Svanidzedən fərqli, salyanlıların yox, öz komandasının qapısına qol vurmuşdu. Yəni, ilk avtoqola sevinən Salyan təmsilçisi son belə hadisəyə məyus olub.

Qeyd edək ki, 9 avtoqoldan 5-i “Olimpik-Şüvəlan”ın oyunlarına təsadüf edib. Gürcüstanlılar isə artıq üçüncü dəfə qapıları səhv salır.

1	14.08.2009	Muğan	Standard	1:0	Oleq Qlevesiani	s
2	23.08.2009	Karvan	Olimpik-Şüvəlan	2:3	Usim Nduka	s
7	17.10.2009	Qəbələ	Olimpik-Şüvəlan	2:1	Alves Dos Santos	s
12	28.11.2009	Simurq	Qəbələ	1:1	Aleksandr Malıgin	e
13	04.12.2009	Olimpik-Şüvəlan	Karvan	4:0	Anar Həsənov	s
14	10.12.2009	Xəzər-Lənkəran	Olimpik-Şüvəlan	2:1	Abdulkader Kamara	s
18	03.02.2010	Karvan	Simurq	3:2	Aleksandr İntskirveli	s
26	04.04.2010	İnter	Bakı	1:1	Saşa Yunisoğlu	s
32	16.05.2010	Olimpik-Şüvəlan	Muğan	0:2	Davit Svanidze	s

Vüqar XEYRULLAYEV

• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib