“İndi bütün Gəncə sevinc içərisindədir. Biz Azərbaycanın ikinci böyük şəhərinə böyük futbolu qaytardıq”. Bu sözləri “Gəncə”nin baş məşqçisi Fuad İsmayılov deyib.

Şənbə günü Qusarda “Şahdağ”la xalları yarı bölən və MOİK-in məğlub olmasından istifadə edərək I divizionun çempionu olan “Gəncə” növbəti mövsümü Premyer Liqada keçirəcək. Əyalət təmsilçisinin baş məşqçisi bu uğurun çətinliklə qazanıldığını bildirib: “Çempionatın gedişində enişli-yoxuşlu günlərimiz oldu. Lakin ruhdan düşmədik və səhvlərimizdən nəticə çıxarıb, irəlilədik. Sonda isə məqsədimizə nail olduq”.

Baş məşqçi komandanın gücləndirilməsinə ehtiyacın olduğunu da istisna etmədi: “Təbii ki, Premyer Liqada oynamaq üçün heyətimizi gücləndirməlyik. Heyətə kimləri cəlb edəcəyimizə və hazırlıq planına təxminən 15 gündən sonra aydınlıq gətiriləcək”.

Komandada qalıb-qalmayacağına gəldikdə, İsmayılov bunları deyib: “Komanda ilə 3 illik müqavilə imzalamışam. Rəhbərlik müqavilə müddəti başa çatana qədər postumda qalacağımı bildirib”.

• Premyer Liqa klubunda ayrılıq
• “Real” La Liqa matçının təxirə salınmasını istəyir
• Alleqri: “Leao qalacaq, Modriç avqustda gəlir”
• İngiltərə millisinin üzvü "Nyukasl"ı tərk edib - RƏSMİ
• Luis Suarez “Sportinq”ə keçir?