Unibank Premyer Liqasının XXXII turu “Qəbələ” klubunun baş məşqçisi Ramiz Məmmədov üçün əlamətdar olub. Apasport.az saytının məlumatına görə, “İnter”lə görüş 42 yaşlı mütəxəssisin məşqçilik karyerasında 100-cü çempionat oyunu idi.

İndiyədək yalnız bir klubda çalışan Məmmədovun “Qəbələ”ni çıxardığı yubiley oyununda komandası 1:4 hesabı ilə uduzub. Əvvəldən məlum olduğu kimi, bu onun “Qəbələ”də sonuncu matçı olub. İngiltərəli Toni Adamsın baş məşqçi kimi təqdimatından sonra mövsümü başa çatdırmalı olan Məmmədov bu məğlubiyyətlə 3 il 7 aylıq baş məşqçilik fəaliyyətini də bitirib. O, bu müddətdə “Qəbələ”ni daha 18 dəfə kubok oyunlarına çıxarmışdı. Məmmədovun rəhbərliyi altında komanda çempionatda 6-cı yer, kubokda yarımfinaldan qabağa gedə bilməyib.

Bu müddətdə ən acınacaqlı məğlubiyyət isə mütəxəssisi “yola salan” “İnter”dən alınıb. Ötən mövsüm ölkə kubokunun yarımfinalında bakılılar rəqibinin qapısına 5 cavabsız qol vurmuşdu. Daha bir maraqlı məqam isə “İnter”in hər iki çempionluğunu son turda “Qəbələ”yə vurduğu 4 qolla qazanmasıdır. Lakin 2007/08 mövsümündən fərqli, bu dəfəki məğlubiyyət baş məşqçi üçün sonuncu oldu.

turnir	O	Q	H	M	Top	X
Çempionat	100	36	22	42	109-123	130
Kubok	18	8	4	6	19-21	28
Cəmi	118	44	26	48	128-148	158

• Premyer Liqa klubunda ayrılıq
• “Real” La Liqa matçının təxirə salınmasını istəyir
• Alleqri: “Leao qalacaq, Modriç avqustda gəlir”
• İngiltərə millisinin üzvü "Nyukasl"ı tərk edib - RƏSMİ
• Luis Suarez “Sportinq”ə keçir?