UEFA Çempionlar Liqasının (ÇL) final oyununu idarə edəcək hakimlərin adları açıqlanıb. Apasport.az saytının məlumatına görə, Almaniyanın “Bavariya” və İtaliyanın “İnter” klublarının mayın 22-də Madriddə “Santyaqo Bernabeu” stadionundakı görüşünü tanınmış ingilis referi Hovard Uebb idarə edəcək.

39 yaşlı hakimə DÇ-2010-da də birgə olacağı həmyerliləri Mihael Mallarki ilə Darren Kenn yardımçı olacaq. 2005-ci ildən beynəlxalq oyunlara təyinat alan Uebb ilk dəfə ÇL-nin finalını idarə edəcək. Belə ki, son 5 ildə nüfuzlu turnirin finalında mütləq ən az bir İngiltərə komandası olduğu üçün bu ölkənin hakimlərinin yolu bağlanırdı.

Qeyd edək ki, “İnter”in ÇL-nin 1/4 finalında Moskva MOİK-i ilə ilk oyununun (1:0) baş hakimi olan Uebb futbolsevərlərimizə da yaxşı tanışdır. Çünki milli komandamızın son rəsmi oyunu olan Rusiya yığması ilə Bakıda 1:1 hesabı ilə nəticələnən görüşü idarə edib. Uebb həmin görüşdə yığmamızın futbolçusu Mahir Şükürova sarı vərəqə göstərib.

• Məhşur qapıçının oğlu "Fulhem"də - Rəsmi
• “Fənərbaxça”dan Trossard bombası
• Orkun Kökçü vətəninə gəlir: "Sadəcə "Beşiktaş”
• Ronaldonun muzeyi açılıb
• Sabiq "Neftçi"linin yeni klubu bəlli olub