İlqar Qurbanov yenidən Azərbaycan milli komandasına qayıda bilər. Apasport.az saytının xəbərinə görə, bu barədə yığmanın baş məşqçisi Berti Foqts məlumat verib.

Almaniyalı çalışdırıcı 23 yaşlı yarımmüdafiəçinin yığma perspektivini izah edərkən bildirib ki, əvvəlki hərəkətlərinə görə üzr istəməyə hazır olan Qurbanovun öz klubunda daim oynaması vacib şərtdir: “İlqar Qurbanov yenidən milli komandaya qayıtmaq üçün fiziki hazırlığını bərpa etməlidir. O, əvvəl “Olimpik-Şüvəlan”ın “11-liy”ində möhkəmlənməlidir. Bundan sonra özünü sübut edə bilərsə, yığmaya da çağırılar. Bunun üçün məndən üzr istəmək lazım deyil”.

Qeyd edək ki, mövsümü başa çatan kimi “Olimpik-Şüvəlan”ın heyətindən kənarlaşdırılan Qurbanov bir müddət əvvəl mətbuata açıqlamasında bildirmişdi ki, milli komandaya qayıtmaq üçün baş məşqçi Berti Foqtsdan üzr istəməyə hazırdır.

• Türkiyə Kubokunda sensasiya – III Liqa klubu “Kayserispor”u darmadağın etdi
• “Bavariya”nın baş məşqçisi xəstəxanadan buraxıldı – Qayıdacağı tarix bəlli oldu
• Sergen Yalçının zənglərinə cavab verməyən futbolçular – TFF-dən açıqlama
• Yaponiya Futbol Assosiasiyasının vitse-prezidenti istefa verdi
• “Qalatasaray” Braziliya millisinin üzvünü transfer etmək istəyir