“Xəzər-Lənkəran” klubu 2010-2011-ci il mövsümü üçün ilk transferini reallaşdırıb. Lent.az-ın məlumatına görə, cənub təmsilçisi 2009-2010-cu il mövsümünü icarə əsasında “Qəbələ” klubunda keçirmiş “Turan”ın futbolçusu Vurğun Hüseynovla anlaşıb.

Xəbəri komandanın vitse-prezidenti Tuyqun Nadirov da təsdiqləyib. O, 21 yaşlı müdafiəçi ilə danışıqların artıq yekunlaşmaq üzrə olduğunu bildirib: “Demək olar ki, məsələ 99 faiz həllini tapıb”.

Nadirov müqavilənin ən azı ilyarım müddətinə bağlanacağını vurğulayıb. Gənc futbolçu “Xəzər-Lənkəran”a Avropa Liqası matçlarında kömək edə biləcək.

Qeyd edək ki, cari mövsümdə “Qəbələ”nin heyətində uğurlu çıxışı ilə diqqət çəkən Vurğun Hüseynov artıq Azərbaycan yığmasına da cəlb olunub.

• Ançelottinin oğlu Braziliya klubunda - RƏSMİ
• "Qalatasaray"da növbəti ayrılıq
• Mikel Artetaya yeni köməkçi
• Amorim 5 futbolçusuna qadağa qoydu
• Qarsiyanın "Real"dakı gələcəyi müəyyənləşib