Azərbaycan milli komandasının Moldova yığması ilə Avstriyada keçirdiyi yoxlama oyunu daha bir futbolçunun debütü ilə əlamətdar olub.

Apasport.az saytının məlumatına görə, “Xəzər-Lənkəran”ın yeni transferi Vurğun Hüseynov matçın gedişində komanda yoldaşını əvəzləməklə karyerasında ilk dəfə millinin matçının iştirakçısına çevrilib. Bununla da ilk rəsmi matçını 1992-ci ildə keçirən yığmanın 18 illik tarixində şərəfini qorumuş futbolçuların ümumi sayı 163-ə çatıb.

Qeyd edək ki, Hüseynov yığmadakı ilk matçını bu il keçirən 4-cü futbolçudur. Berti Foqts ilin arxada qalan hissəsində Fərid Quliyev, Rauf Əliyev və Əfran İsmayılova da debüt şansı vermişdi.

Vüqar XEYRULLAYEV

• Çalhanoğlu addım-addım "Qalatasaray"a
• “İnter”dən yeni transfer - Rəsmi
• "Bernli" Kayl Uokerlə müqavilə imzalayıb
• “Empoli”dən “Torino”ya - Rəsmi
• "Qalatasaray"da ayrılıq