Azərbaycan milli komandası Respublika gününü Avstriyada qeyd edəcək. Avstriyada olan AFFA-nın Mətbuat və İctimaiyyətlə Əlaqələr Departamentinin rəisi Mikayıl Quliyevin apasport.az saytına verdiyi məlumata görə, bu ölkəyə yollanan yığmamızın üzvləri, nümayəndə heyətimiz sabah Azərbaycan Xalq Cümhuriyyətinin yaradılmasının 92 illiyini birgə keçirəcək.

Bununla bağlı həmyerlilərimizin qaldığı hoteldə tədbir olacaq. Nümayəndə heyətinə başçılıq edən AFFA-nın baş katibi Elxan Məmmədov dövlət bayramı münasibətilə təbriklərini çatdıracaq.

Qeyd edək ki, milli komandamız bayram gününün ertəsi Avstriyada ikinci yoldaşlıq görüşünü çıxacaq. Moldova ilə 1:1 hesablı heç-heçə edən Berti Foqtsun baş məşqçisi olduğu yığmamız mayın 29-da Makedoniya ilə qüvvəsini sınayacaq.

• Paraqvayda tarixi qələbəyə xüsusi qərar - 30 iyun rəsmi tətil elan edildi
• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi