Əfsanəvi futbolçular Pele və Dieqo Maradona arasında “söz müharibəsi” davam edir. Apasport.az saytının məlumatına görə, bu dəfə səhnəyə Pele çıxaraq, DÇ-2010-un əsas favoritləri olan Braziliya və Argentina yığmalarını tənqid edib.

Braziliyalı “Futbol kralı”nın fikrincə, öz yığması yaxşı oynamır, argentinalıların baş məşqçisi isə pisdir: “İndiki Braziliya yığması əsasən əks-hücumlarda oynayır. O, topa nəzarət edə bilmir. Argentina millisinə gəlincə, onun sadəcə, pis məşqçisi var. Mən Maradonanı məşqçi saymıram. Onun həyat tərzi yığmaya faydalı ola bilməz”.

Qeyd edək ki, Braziliya və Argentina yığmaları nəzəri cəhətdən finalda oynaya bilərlər.

• Braziliya millisinin üzvü "Beşiktaş" yolunda
• "Real"ın futbolçusu La Liqada komandasını dəyişə bilər
• Sabiq "Qalatasaray"lının yeni klubu bəlli olub
• "Qalatasaray" qabonlu yarımmüdafiəçini komandada saxlayacaq
• Çempionlar Liqasının oyunları bu kanallarda