Şükürov zədələndi, komandası “Zenit”ə uduzdu

04.07.2010 - 20:59

Bu gün Rusiya Premyer Liqasından XI turun bir oyunu keçirilib. Apasport.az saytının xəbərinə görə, həmyerlimiz Mahir Şükürovun şərəfini qoruduğu “Anji” klubu Sankt-Peterburqda “Zenit”in qonağı olub.

“Petrovski” stadionunda baş tutacaq qarşılaşma Bakı vaxtı ilə saat 20:00-da başlayib. Oyunu moskvalı Maksim Layuşkin idarə edib.

Mahirin start heyətində meydana çıxdığı gırüşdə sankt-peterburqlular artıq 15-ci dəqiqədə hesabı açıblar. 28 yaşlı müdafiəçimizin komandası ikinci hissənin ortalarında Taqirbekovun qolu ilə hesabda tarazlıq yatratmağa müvəffəq olub. Lakin qonaqların sevinci 20 dəqiqə çəkib. “Anji”nin müqavimətini qıran “Zenit” növbəti qələbəsini qazana bilib. Mahir isə uzatma dəqiqələrində meydanı tərk edib. Əvəzlənərkən axsaması müdafiəçinin xəsarət alması ehtimalını yaradır.

Qeyd edək ki, “Zenit” 27 xalla 1-ci, “Anji” isə 10 xalla 12-cu yerdədir.

20:00 “ZENİT” – “ANJİ” - 2:1
QOLLAR: Bıstrov, 15, Zıryanov, 87 - Taqirbekov, 67
Baş hakim: Maksim Layuşkin (Moskva)
Sank-Peterburq, “Petrovski” stadionu
“ZENİT” Vyaçeslav Malafeev, Aleksandr Anyukov, İvitsa Krijanas, Nikolas Lomberts, Tomaş Quboçan, Roman Şirokov, Alessandro Rozina, Konstantin Zırynov, İqor Denisov, Vladimir Bıstrov, Aleksandr Kerjakov
“ANJİ” : Nukri Revişvili, Dato Kvirkveliya, Mahir Şükürov, Rasim Taqirbekov, Mitar Pekoviç, Ali Qadjibekov, Bay İbra Kebe, David Sorayev, Kamil Aqalarov, Nikolay Josan, Mixail Bakaev