“Lənkərandakı oyunda müsbət nəticə gözləyirəm. Hər halda, biz buna köklənmişik və mərhələ keçmək istəyirik”. Apasport.az saytının məlumatına görə, bu fikirləri “Xəzər-Lənkəran”ın Avroliqanın I təsnifat mərhələsində rəqibi olan Moldovanın “Olimpiya” klubunun qapıçısı Sergey Paşenko deyib.

O bildirib ki, Kişinyovdakı qolsuz heç-heçədən sonra növbəti mərhələyə çıxmaq şansları az deyil: “Şansları bərabər sayıram. Top yumru, meydan düzdür. Hər şey öz əlimizdədir. İlk görüşdə pis oynamadıq. Heç kim qalib gəlmədi, uduzmadı da. Buna görə cavab görüşünə ümid bağlayırıq”.

Paşenko DÇ-2010-da oynayan “Jabulani” topu ilə oynamadığını söyləyib. Qapıçı onu ilk dəfə Lənkəranda gördüyünü deyib: “Əlbəttə, təəssüratlarım heç də yaxşı deyil. Hərçənd, hesab edirəm ki, bu top “Xəzər-Lənkəran”ın qapıçısı üçün rahat olmayacaq. İndi mən dünya çempionatındakı qapıçıları başa düşürəm. Özüm bunu hiss etdim. Topun trayektoriyası nəsə anlaşılan deyil. Ümid edirəm ki, mən tez-tez oyuna qoşulmalı, topla qarşılaşmalı, hiyləsini çəkməli olmayacağam. Fikrimcə, oyunda mənim üçün hər şey qaydasında olacaq. “Xəzər-Lənkəran”ın qapıçısı haqda isə bunu deyə bilmərəm”.

• “Fənərbaxça”nın futbolçularından İsmail Kartala vida
• “Qalatasaray”da Barış Alper Yılmaz qərarı – Növbəti oyunu buraxacaq
• “Qızıl top”un sahibi “Bavariya”da qalır – Yeni müqavilə imzalanacaq
• “Fənərbaxça”nın baş məşqçi siyahısı genişlənir – Pioli, Konte və yerli namizədlər
• “Fənərbaxça”nı müvəqqəti olaraq Dirk Kuyt çalışdıracaq – RƏSMİ