Azərbaycan klubları üçün avrokuboklarda “Moldova kabusu” davam edir. Apasport.az saytının hesablamalarına görə, təmsilçilərimiz qitə miqyaslı turnirdə bu ölkənin komandalarına iki oyunun nəticəsinə əsasən həmişə uduzur. Bu uğursuz seriyanın əsası 5 il öncə “Xəzər-Lənkəran”ın “Nistru” ilə görüşündə qoyulub.

Cənublular maddi imkanlarına görə xeyli üstün olduğu Ataki təmsilçisinə hər iki görüşdə uduzdu. “Xəzər-Lənkəran” həm bunun əvəzini çıxmaq, həm də Moldova sindromunu qıran ilk klub kimi tarixə düşmək üçün yaxşı fürsət əldə etmişdi. Ancaq hər iki görüşdə heç-heçə Ağasəlim Mircavadovun yetirmələri evdə buraxdıqları qol ucbatından II mərhələdən kənarda qaldı.

Klublarımız arasında moldovalılarla görüşdə ən yaxşı göstəriciyə “Bakı” imza atıb. Hər halda, “zolaqlılar” “Daçiya”ya meydandakı mübarizə nəticəsində yox, oyun sonrası penalti zərbələri ilə uduzub. “Qarabağ” da “Bakı” kimi moldovalılarda oyunlarda əsas vaxtda 1:1 hesablı bərabərliyə qalıb. Ancaq ağdamlılar “Şəfa” stadionundakı cavab görüşündə əlavə vaxtda buraxdığı qolla yenilərək, mübarizəni dayandırdı.

Fakt odur ki, klublarımız maddi imkanlarına görə Moldova təmsilçilərini qat-qat üstələsə də, uğursuzluğa düçar olur. Püşk hər dəfə onları bizə rəqib edəndə, istər-istəməz sindrom yada düşür. Əfsuslar olsun ki, bu, qırılmaq bilmir ki, bilmir və moldovalılar daim qələbəni bayram edir.

Azərbaycan klublarının Moldova təmsilçiləri ilə avrokuboklarda oyunları

2005/06 mövsümü
UEFA kuboku, I təsnifat mərhələsi
14 iyul. Kişinyov. “Nistru” – “Xəzər-Lənkəran” – 3:1
Qol: Zaur Ramazanov

28 iyul. Bakı. “Xəzər-Lənkəran” – “Nistru” – 1:2
Qol: Samir Əliyev

2006/07 mövsümü
İntertoto kuboku, I mərhələ
17 iyun. İmişli. “MKT-Araz” – “Tiraspol” – 1:0
Marçel Reşikta

24 iyun. Tiraspol. “Tiraspol” – “MKT-Araz” – 2:0

UEFA kuboku, I mərhələ
13 iyul. Kişinyov. “Zimbru” – “Qarabağ” – 1:1
Qol: Samir Musayev

20 iyul. Bakı. “Qarabağ” – “Zimbru” – 1:1 (əlavə vaxtda – 1:2)
Qol: Samir Musayev

2007/08 mövsümü
İntertoto kuboku, I mərhələ
23 iyun. Bakı. “Bakı” – “Daçiya – 1:1
Qol: Maksim Andronik, öz qapısına

30 oyun. Kişinyov. “Daçiya” – “Bakı” – 1:1 (penaltilərlə - 3:1)
Qol: Amiran Muciri

2010/11 mövsümü
Avroliqa, I mərhələ
1 iyul. Kişinyov. “Olimpiya” – “Xəzər-Lənkəran” – 0:0

8 iyul. Lənkəran. “Xəzər-Lənkəran” – “Olimpiya” – 1:1
Qol: Allan Lalin

Mehman SÜLEYMANOV

• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”