“Bu yolun yarısıdır. Qarşıda cavab oyunu var. Səfərdə 1:0 hesabı ilə qalib gəlmək yaxşı nəticədir”. Apasport.az-ın xəbərinə görə, bu sözləri Polşanın “Lex” klubunun baş məşqçisi Yatsek Zelinski deyib.

Çempionlar Liqasının II təsnifat mərhələsinin ilk oyununda Azərbaycan çempionu “İnter”i 1:0 hesabı ilə məğlub edən poznanlıların çalışdırıcısı matçdan sonrakı mətbuat konfransında razılığını gizlətməyib: “Biz hesabı açandan sonra “İnter” aqressiv oynadı və üstünlüyə yiyələndi. Hesabı onlar açmış olsaydı, biz aqressivlik göstərəcəydik, Bakıdakı oyunda uduzmayacaqdıq”.

Hələ “Qrotslin”i çalışdırarkən “MKT-Araz”la oynamaq üçün Bakıya gələn Zelinski 3 il ərzində baş verən dəyişikliklərdən də danışıb: “Bu müddətdə Azərbaycan futbolununinkişaf etdiyi göz qabağındadır. Şəhəriniz də xeyli gözəlləşib”.

• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”