“Mixael Ballak Almaniya yığmasına çağırılmaq üçün əvvəlki oyun formasını bərpa etməlidir. Hal-hazırda o, lazım olan kondisiyalara malik deyil”. Apasport.az saytının məlumatına görə, bu sözləri Almaniyanın “Bavariya” klubunun fəxri prezidenti Frants Bekkenbauer deyib.

Alman futbolunun əfsanəsi bu yay Bundesliqaya qayıdıb “Bayer”lə anlaşan Mixael Ballakın yığmaya qayıtmağının tez olduğunu düşünür. Bekkenbauerin fikrincə, zədə üzündən dünya çempionatının final mərhələsini buraxan 34 yaşlı yarımmüdafiəçi sentyabrın 3-də Belçika, 7-də isə Azərbaycan milliləri ilə görüşlərdə oynamağa hazır deyil: “Ballak əvvəl öz klubunda qüvvəsini toplamalıdır. O, hadisələri qabaqlamaq istəsə özü özünə pislik etmiş olacaq”.

Qeyd edək ki, Ballak “Bayer”ə qayıtdıqdan sonra Bundesliqada ilk oyununu Dortmundda “Borussiya”ya qarşı keçirib.

• Braziliya millisinin üzvü "Beşiktaş" yolunda
• "Real"ın futbolçusu La Liqada komandasını dəyişə bilər
• Sabiq "Qalatasaray"lının yeni klubu bəlli olub
• "Qalatasaray" qabonlu yarımmüdafiəçini komandada saxlayacaq
• Çempionlar Liqasının oyunları bu kanallarda