“Mahir Şükürovun Azərbaycan milli komandasının düşərgəsinə gəlməsində hər hansı problem yoxdur. O, avqustun 31-dən başlayaraq, yığmanın Almaniyadakı məşqlərinə qatılacaq”. Bu sözləri apasport.az saytına açıqlamasında AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu deyib.

O, Mahaçqalanın “Anji” klubunda forma geyinən Mahir Şükürovun avqustun 30-da Rusiya Premyer Liqa oyununa çıxmağının millinin hazırlıqlarına mane olmayacağını açıqlayıb: “Anji” ayın 29-da oynasaydı, Mahir ertəsi Bakıya gəlib yığma ilə Almaniyaya yollanacaqdı. Lakin rusiyalılar həm bizə, həm də oyunçularının çıxış etdiyi digər yığmalara xahişlə müraciət etdilər. Belə qərara alındı ki, Şükürov ayın 31-də klubunun oyunundan sonra gəlsin. O, avqustun 31-də birbaşa yığmanın düşərgəsinə yollanacaq. Yəni, Bakıya yox, Almaniyaya gələcək”.

Qeyd edək ki, “Anji”nin “Sibir”lə Rusiya çempionatındakı oyunu avqustun 29-dan 30-na keçirilib.

• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”
• Ali Koç TFF-nin inzibati binasına yollanır
• Günün canlı yayımlanacaq matçları - TV AFİŞA