“Xəzər Lənkəran” klubu baxışa çağırdığı osetiyalı futbolçu Alan Alborovdan imtina edib. Bu haqda Lent.az-a klubun direktoru Höccət Hacıyev məlumat verib. Onun sözlərinə görə, Rusiyanın “Alaniya” komandasından gələn 20 yaşlı hücumçu bəyənilməyib.

Baş məşqçi Mirça Rednik 2009-cu ilin avqustundan noyabrınadək Vladiqafqaz təmsilçisində çalışdığı vaxtdan tanıdığı Alborovun “Xəzər Lənkəran”a faydalı ola bilməyəcəyi qənaətinə gəlib. Hacıyev klubun yay “transfer pəncərəsi”nin bağlanacağı avqustun 31-dək yeni oyunçu almayacağını əlavə edib.

Qeyd edək ki, 1,93 metr boya malik Alan Alborov “Alaniya”nın gənclər və əvəzedicilərdən ibarət komandalarında forma geyinib.

• Sergen Yalçının zənglərinə cavab verməyən futbolçular – TFF-dən açıqlama
• Yaponiya Futbol Assosiasiyasının vitse-prezidenti istefa verdi
• “Qalatasaray” Braziliya millisinin üzvünü transfer etmək istəyir
• “Barselona” Ferminin qiymətini müəyyənləşdirdi
• “Qalatasaray”ın futbolçusu 10 Avropa nəhənginin hədəfində