Avropa Liqasında Yunanıstanın PAOK klubuna uduzaraq turniri tərk edən "Fənərbaxça"da vəziyyət çətinləşib. Apasport.az saytının xəbərinə görə, komandanın oyunçusu Gökhan Könül və qapıçı Volkan Dəmirəl zədələnib. Müayinədən keçən Könülün müalicə-bərpa prosesinin ən azı üç-dörd həftə davam edəcəyi bildirilir.

Volkan Dəmirəl Avrola Liqasında PAOK-a məğlubiyyətə çox təəssüflənir. Onun dediyinə görə, zədəli olsa da, matça çıxdı və oynadı - fəqət, klub istənilən nəticəni əldə edə bilmədi: "Yaxşı oynamırıq. Heyətimizdə istedadlı və bacarıqlı futbolçular çoxdu, amma hələ də kollektiv oyun nümayiş etdirən komanda, meydanda hər kəsin bir-birini gözəl anladığı heyət ola bilməmişik. Məğlubiyyətə görə də nə isə demək istəmirəm. Çünki nə desəm, kimlərisə təmin etməyəcək. Yunanları məğlub etməli, PAOK-u üstələməliydik. Çempionlar Liqasına qatıla bilmədik, heç olmasa Avropa Liqasında oynamalıydıq. İndi məqsədimiz Superliqa və Türkiyə kubokunda qalib gəlməkdi".

"Fənərbaxça"nın həkimləri isə bildiriblər ki, ayağındakı zədədən dolayı Volkan Dəmirəl ən azı 2-3 həftə meydanlardan kənar qalıb müalicə almalıdı.

Ümumiyyətlə isə, baş məşqçi postuna Aykut Kocaman təyin ediləndən bəri "Fənərbaxça"da sular durulmur. Klub cari mövsümdə qatıldığı 6 matçın yalnız birində qalib gəlib, 3 oyunda uduzub, 2 qarşılaşmanı bərabərliklə başa vurub. Çempionlar Liqasının III mərhələsinin ilk turunda İsveçrənin "Yanq Boys"u ilə səfərdə oyunu 2:2 başa vuran komanda "Şükrü Saracoğlu" stadionunda rəqibə 0:1 məğlub oldu. Avropa Liqasının pley-off turunda isə Yunanıstanın PAOK-una səfərdə 0:1 yenilən "Fənərbaxça" İstanbulda oynanan cavab matçını 1:1 hesabla başa vurdu. Superliqada isə ilk turda "Antalyaspor"u 4:0 məğlub edən "Fənər" 2-ci turda səfərdə "Trabzonspor"a qarşı oynadığı matçda 2:3 uduzub.

• Sabiq "Qalatasaray"lının yeni klubu bəlli olub
• "Qalatasaray" qabonlu yarımmüdafiəçini komandada saxlayacaq
• Çempionlar Liqasının oyunları bu kanallarda
• Yunanıstan klubunda ayrılıq yaşanıb
• Bundesliqa klubu baş məşqçisi ilə yollarını ayırıb