Zaqatalanın “Simurq” klubunun baş məşqçisi Qyoko Hacıyevski Samir Əliyevi heyətdən kənarda qoymasına aydınlıq gətirib.

Hacıyevski apasport.az saytına açıqlamasında hələ də zədə üzündən təcrübəli hücumçudan istifadə edə bilmədiyini bildirib. Makedoniyalı mütəxəssisin sözlərinə görə, Samir kimi təcrübəli futbolçunun xidmətinə ehtiyacı nə qədər böyük olsa da, səhhəti daha önəmlidir: “Turan”la oyundan sonra Əliyevin xidmətindən istifadə edə bilmirik. O, zərbə vurarkən əzələsini dartdı və sıradan çıxdı. Samir məşqlərimizdə iştirak etsə də, hələ tam hazır deyil. Samirə nə qədər böyük ehtiyacımız olsa da, durumu ilə risk edə bilmərik. Çünki son turda “Bakı” ilə oyunda meydana çıxsaydı, yenidən zədələnə bilərdi. Biz isə bunu istəmirik. Ona görə də hücumçumuzun tam sağalmasını gözləyirik. Əliyev bu səbəbdən Zaqataladakı hazırlığımızdan kənarda qalmışdı. Ümid edirik ki, növbəti turda onu meydana buraxa biləcəyik”.

Qeyd edək ki, Samir IV turda “Turan”la oyunun 35-ci dəqiqəsində aldığı zədəyə görə əvəzlənməli olub. “Simurq” bu şənbə növbəti turda Salyanda “Muğan”ın qonağı olacaq.

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq