Azərbaycanın 19 yaşadək milli komandası oktyabrın 9-dan 17-dək Portuqaliyanın Faro şəhərində Avropa çempionatının seçmə mərhələsində iştirak edəcək. Apasport.az saytının məlumatına görə, yarışa hazırlıq məqsədilə U-19 sentyabrın 30-dan gələn ayın 9-dək Almaniyanın Frankfurt və İspaniyanın Xeres şəhərlərində təlim-məşq toplanışı keçəcək. Millinin hazırlığında iştirak edəcək heyət rəsmən açıqlanmasa da, Bakının “Neftçi” komandasının yığmada 2 oyunçu ilə təmsil olunacağı müəyyənləşib. Belə ki, klubun rəsmi internet saytı Araz Abdullayev və Amit Quluzadə Almaniya və İspaniyaya gedəcək milliyə çağırıldığını açıqlayıb.

Qeyd edək ki, hər iki futbolçu ölkəmizin əsas yığmasına da dəvət olunurlar.

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ