“Bakı” yenə uduzdu, “Neftçi” I dövrənin çempionudur

31.10.2010 - 19:10

Bu gün Unibank Premyer Liqasında təsnifat mərhələsinin I dövrəsinə yekun vurulub. Apasport.az saytının xəbərinə görə, baş tutan 3 qarşılaşmadan sonra dövrənin qalibini müəyyənləşib.

Günün mərkəzi qarşılaşmasında “Bakı”nı 2 cavabsız qolla məğlub edən flaqman 1 günlük fasilədən sonra zirvəyə qayıdıb. Ardıcıl 3-cü dəfə meydanı başıaşağı tərk edən paytaxtın eyni adlı təmsilçisi isə mövqeyini daha da pisləşdirib. Vinfred Şaferin yetirmələri hazırda 6-cı pillədən 3, liderdən isə 14 xal geri qalır. “Neftçi” kimi bombardirlər yarışında da liderlik edən futbolçusu Bahodir Nasimov da hesabını artırmağa nail olub.

Əyalətdə keçirilən 2 matçda isə cəmi 1 qol qeydə alınıb. Bu top “İnter”i 3-cü pilləyə qaldırıb. Bakılılara uduzan “Simurq” isə növbəti ev məğlubiyyətinə üzülüb. Altılığa vəsiqə uğrunda mübarizə aparan “Gəncə” və “Qəbələ” isə qalibi müəyyənləşdirə bilməyiblər. Qolsuz heç-heç daha çox səfərdə oynayan Toni Adamsın yetirmələri üçün sərfəli olub.

Xatırladaq ki, tura dünən keçirilən 3 matçla start verilmişdi.

30 oktyabr

“Turan” – MOİK - 2:0
QOLLAR: Vurğun Hüseynov, 14 (p); Viktor Qonta, 57
Tovuz şəhər stadionu

AZAL – “Muğan” - 2:0
QOLLAR: Qvidas Yuska, 29; Viktor İqbekoi, 85
“Şəfa” stadionu

“Qarabağ” – “Xəzər Lənkəran” - 0:1
QOL: Konstantin Arbanas, 66
Bakı. Tofiq Bəhramov adına Respublika stadionu

31 oktyabr

14:00. “Gəncə” – “Qəbələ” – 0:0
Hakimlər: Vüsal Əliyev, Munis Abdullayev, Vaqif Musayev, Rauf Cabbarov
Gəncə şəhər stadionu

14:00. “Simurq” – “İnter” – 0:1
QOL: Filip Despotovski, 14
Hakimlər: Ramil Diniyev, Aydın Ələkbərov, Rza Məmmədov, Tahir Əhmədov
Zaqatala şəhər stadionu

17:15. “Bakı” – “Neftçi” - 0:2
QOLLAR: Flavinyo, 50, Bahodir Nasimov, 71
Hakimlər: Fariz Yusifov, Elman Musayev, Roman Vasilyev, Əfqan Həmzəyev
T.Bəhramov adına Respublika stadionu

TURNİR CƏDVƏLİ

	Komanda	O	Q	H	M	Qollar	Xallar
1	Neftçi	11	8	2	1	25-6	26
2	Xəzər Lənkəran	11	7	3	1	13-5	24
3	İnter	11	7	1	3	9-8	22
4	AZAL	11	6	3	2	16-6	21
5	Qarabağ	11	5	3	3	12-7	18
6	Qəbələ	11	4	3	4	8-7	15
7	Gəncə	11	3	6	2	17-15	15
8	Bakı	11	3	3	5	12-15	12
9	Muğan	11	2	4	5	6-11	10
10	Turan	11	1	4	6	9-17	7
11	Simurq	11	1	3	7	9-19	6
12	MOİK	11	1	1	9	4-24	4