Azərbaycan yığmasında yeni bombardir

01.11.2010 - 10:42

Almaniyada təlim-məşq toplanışında olan 15 yaşadək qızlardan ibarət Azərbaycan yığması hazırlıq prosesi çərçivəsində 3 yoldaşlıq oyunu keçirib. Apasport.az saytının məlumatına görə, almaniyalı mütəxəssis Sissi Raytın yetirmələri bu oyunların ikisini böyük hesablı qələbə ilə başa vurublar.

Həmin görüşlərdə rəqiblərini darmadağın edən futbolçularımız almanlara “dərs keçiblər”. Keçirilən qarşılaşmalarda 14 top vuran yığmamız 4 dəfə topu öz qapısından çıxarmalı olub. Şəfəq Nəsirova 3 oyunda 6 qol vurmaqla, millinin bombardiri olub.

“SV Leonberq” - Azərbaycan U-15 - 4:2
Aysun Əliyeva (2), Aliyə Vəliyeva (15)

“VFB Reqensburq” - Azərbaycan U-15 - 0:5
Şəfəq Nəsirova (11, 24, 32, 66), Aliyə Vəliyeva (28)

“Ziqetsdorf” - Azərbaycan U-15 - 0:7
Nigar Cəlilli (19, 65), Kamilla Məmmədova (21), Şəfəq Nəsirova (27, 68), Olya Şioşvili (34), Əminə Heydərova (70)

Mənbə: affa.az