UEFA Çempionlar Liqasının (ÇL) ardınca Avroliqanın pley-off mərhələsinin püşkatması keçirilib. Apasport.az saytının məlumatına görə, ÇL-dən fərqli Avropanın 2-ci nüfuzlu turnirində birdən-birə iki mərhələnin – 1/16 və 1/8 finalın püşkü atılıb.

Türkiyənin avrokuboklarda yeganə təmsilçisi olan “Beşiktaş”in bəxtinə Avroliqanın qrup qalibi Kiyev “Dinamo”su düşüb. Düzdür, daha güclü rəqibin düşməsinin mümkünlüyünü nəzərə alsaq, püşkü “Qara Qartallar” üçün münasib saymaq olar. Ancaq digər tərəfdən, son illərdə Ukrayna klubları türklərin qəniminə çevrilib. Hər halda, “Metallist” yaxın keçmişdə elə həmin “Beşiktaş” və “Qalatasaray”ı UEFA kubokunda mübarizədən kənarlaşdırıb. “Qalatasaray”ın cari mövsümdə Avroliqanın qrupuna düşməsinə də ukraynalılar – Lvovun “Karpatı” klubu imkan vermədi.
“Beşiktaş” 1/8 finala çıxarsa, işi daha çətin olacaq. Çünki onu daha güclü rəqib - “Mançester Siti” gözləyəcək. Hər halda, bu komandanın 1/16 finalda “Aris”ə qalib gələcəyi daha inandırıcı görünür.

1/6 final mərhələsinin oyunları
1. “Napoli” (İtaliya) – “Vilyarreal” (İspaniya)
2. “Reyncers” (Şotlandiya) - “Sportinq” (Portuqaliya)
3. “Sparta” (Çexiya) – “Liverpul” (İngiltərə)
4. “Anderlext” (Belçika) – “Ayaks” (Hollandiya)
5. “Lex” (Polşa) – “Braqa” (Portuqaliya)
6. “Beşiktaş” (Türkiyə) – “Dinamo” (Ukrayna)
7. “Bazel” (İsveçrə) – “Spartak” (Rusiya)
8. “Yanq Boyz” (İsveçrə) – “Zenit” (Rusiya)
9. “Aris” (Yunanıstan) – “Mançester Siti” (İngiltərə)
10. PAOK (Yunanıstan) – MOİK (Rusiya)
11. “Sevilya” (İspaniya) – “Porto” (Portuqaliya)
12. “Rubin” (Rusiya) – “Tvente” (Hollandiya)
13. “Lill” (Fransa) – PSV (Hollandiya)
14. “Benfika” (Portuqaliya) – “Ştutqart” (Almaniya)
15. BATE (Belarus) – PSJ (Fransa)
16. “Metallist” (Ukrayna) – “Bayer” (Almaniya)

1/8 final mərhələsinin oyunları
14-cü cütün qalibi – 15-ci cütün qalibi
6-cı cütün qalibi – 9-cu cütün qalibi
12-ci cütün qalibi – 8-ci cütün qalibi
10-cu cütün qalibi – 11-ci cütün qalibi
13-cü cütün qalibi – 2-ci cütün qalibi
16-cı cütün qalibi - - 1-ci cütün qalibi
4-cü cütün qalibi – 7-ci cütün qalibi
3-cü cütün qalibi – 5-ci cütün qalibi

Qeyd edək ki, 1/16 final mərhələsinin oyunları gələn ilin fevralın 17-də və 24-də keçiriləcək.

• Arauxo “Barselona”ya qayıtmağa hazırlaşır
• PSJ çempion oldu - “Barselona” və “Bavariya”nın uğurunu təkrarladı
• “Çelsi”də ciddi itki
• Suarezin “İnter Mayami”dəki gələcəyinə aydınlıq gəlib
• Eduard Mendi daha 3 il “Əl-Əhli”də - RƏSMİ