“İnter”in “Birlik kuboku”nda rəqibi olan Moldovanın “İskra-Stal” klubunun məşqçilər korpusunda yenilik olub. Apasport.az saytının məlumatına görə, Rıbnitsa təmsilçisi Valeri Çaloqonun gəlişini razılaşdırıb.

O, komandada məşqçi-məsləhətçi olacaq. Çaloqo Ukraynanın Premyer Liqasında oynayan “Sevastopol” klubunun baş məşqçisidir. Onunla müqavilə yanvarın əvvəlində bütün formallıqlar tənzimlənəndən sonra imzalanacaq. Ancaq “İskra-Stal”ın yeni baş məşqçisinin adı hələ tapmaca olaraq qalır.

Qeyd edək ki, “İnter”in qrupda son rəqibi olan Moldovanın gümüş mükafatçısı baş məşqçi postu Vlad Qoyan gedəndən sonra boşdur.

• “Qarabağ”ın sabiq futbolçusu Meksika klubunda - RƏSMİ
• "Everton" "Lids"in müdafiəçisini hədəfə alıb
• London klubu antirekorda imza atıb
• Haland Premyer Liqa tarixinə düşüb
• Ange Postekoqlu Premyer Liqaya qayıda bilər