Bakının “İnter” klubunun sabiq futbolçusu Karlos Velton özünə yeni komanda tapıb. Apasport.az saytının məlumatına görə, Braziliyanın B seriyasında çıxış edən “İtuano” 32 yaşlı hücumçunun təqdimat mərasimini keçirib.

9 nömrəli formaya sahib çıxan Karlos Juninyo Paulistanın rəhbəri olduğu klubun uğuru üçün çalışacaq. 2002-ci ildə Braziliya yığması ilə dünya çempionu olan bu veteran karyerasını başladığı “İtuano”ya qayıdıb son oyunlarını keçirdikdən sonra klub prezidenti olub.

Qeyd edək ki, Karlos 2008/09 mövsümünün I dövrəsində “Standard”, II dövrədə “İnter”də çıxış edib. Kaxaber Sxadadzenin baş məşqçi postuna gəlişindən sonra ilk imtina olunan legionerlərdən biri də Velton idi.

• “Qarabağ”ın sabiq futbolçusu Meksika klubunda - RƏSMİ
• "Everton" "Lids"in müdafiəçisini hədəfə alıb
• London klubu antirekorda imza atıb
• Haland Premyer Liqa tarixinə düşüb
• Ange Postekoqlu Premyer Liqaya qayıda bilər