“Real” klubunun baş məşqçisi Joze Mourinyo növbəti insidentin iştirakçısı olub. Apasport.az saytının məlumatına görə, çılğınlığı ilə tanınan portuqaliyalı mütəxəssis bu dəfə Madriddəki hava limanında fotoqraflarla söyüşüb.

Məsələ ondadır ki, neçə gündür hava şəraiti ilə əlaqədar reyslərin təxirə salınması üzündən ABŞ-dan İspaniyaya qayıda bilməyən Mourinyo Nyu-Yorkdan gələrkən fotoqrafların əhatəsinə düşüb. Ancaq kameralar qarşısında poza vermək həvəsində olmadığından, jurnalistlərdən onu dinc buraxmağı xahiş edib. Ancaq mətbuat nümayəndələrinin onu anlamadığını görən Mourinyo fotoqraflarla “atışıb”. Bu, getdikcə qarşılıqlı təhqirlərə çevrilib.

İnsident hadisə yerinə hava limanının təhlükəsizlik nümayəndələrinin gəlişindən sonra aradan qaldırılıb.

• “Qarabağ”ın sabiq futbolçusu Meksika klubunda - RƏSMİ
• "Everton" "Lids"in müdafiəçisini hədəfə alıb
• London klubu antirekorda imza atıb
• Haland Premyer Liqa tarixinə düşüb
• Ange Postekoqlu Premyer Liqaya qayıda bilər