Azərbaycanın 19 yaşlılardan ibarət yığma komandasının (U-19) baş məşqçisi Vəli Qasımov seleksiya işindən razı qalıb. Apasport.az saytının məlumatına görə, ötən ilin sonunda U-19-un sükanı arxasına gətirilən 43 yaşlı çalışdırıcı Rusiyada Valentin Qranatkinin xatirəsinə həsr olunan XXIII beynəlxalq turnirin debütündə Ukrayna ilə 1:1 hesablı bərabərliklə oyundan sonra təkcə futbolçularına göstərdiyi əzmkarlığa görə yox, həm də seleksiyaçılara minnətdarlıq edib: “Seleksiyaçılara gördükləri yaxşı işə görə təşəkkür etmək istəyirəm. Onlara burada, Sankt-Peterburq şəhərində bizə əsas heyətin 4 futbolçusunu tapdılar. Biz həmin futbolçulara gələcəkdə də bel bağlamaq istərdik”.

Qeyd edək ki, Qasımov milli komandamızın almaniyalı baş məşqçisi Berti Foqtsun köməkçisidir.

• “Fənər”in hücumçusu Səudiyyə Ərəbistanında çıxış edə bilər
• “Real” Alaba ilə bağlı qərarını verib
• Türkiyədə mərc qalmaqalı davam edir: Məşhur hakim saxlanıldı
• “Qalatasaray”ın futbolçusu “Trabzonspor”un radarında
• Asensio ölkəsinə qayıda bilər