Rusiyanın Sankt-Peterburq şəhərində keçirilən Valentin Qranatkinin xatirəsinə həsr olunan turnirdə çıxış edən 19 yaşadək futbolçulardan ibarət Azərbaycan milli komandasının ən yaxşı futbolçusu müəyyənləşib. Apasport.az saytının məlumatına görə, qrup mərhələsinin II turunun Belarusla qarşılaşmasının ən yaxşısı Aleksandr Qross olub.

Belə ki, yarışın təşkilatçıları hər qarşılaşmadan sonra matçın 2 ən yaxşı oyunçusunu müəyyənləşdirir. Bunların da hərəsi 1 komandanın üzvü olur. Elə ikinci oyunumuzun fərqlənəni də Bakının “İnter” klubunun üzvü olub.

Qeyd edək ki, Ukrayna ilə ilk turun görüşündə ən yaxşı adına “Bakı”nın futbolçusu Nurlan Novruzov layiq görülmüşdü.

• Mareska “Mançester Siti”nin futbolçusunu istəyir
• Türkiyə millisinin üzvü “Roma”nın radarında
• “Barselona”nın sabiq vitse-prezidenti dünyasını dəyişib
• Ake “Barselona”nın hədəfində
• “Yuventus”un qolkiperi A Seriyasında klubunu dəyişəcək