Bakının AZAL klubunun baxışa çağırdığı oyunçuların siyahısı müəyyənləşib. Apasport.az saytının məlumatına görə, baş məşqçi Nazim Süleymanovun Türkiyənin Antalya şəhərindəki təlim-məşq toplanışında sınayacağı oyunçular məlum olub. Yanvarın 18-dən febralın 1-dək davam edəcək hazırlıqlarda bosniyalı Veldin Muharemovic, alban Kaciu Bardhyl, braziliyalı Reinaldo Jose Zacaris və belaruslular - Gennadi Bliznyuk və Vitali Panasyuk da sınanacaq.

Baxışa gələcəyi əvvəldən məlum olan kolumbilaylı Edvin Maurisio Calar, latviyalı Ritus Krjauklis, bolqar Enyo Krastovcev də AZAL-ın düşərgəsinə gələcək. Makedoniyalı Ostoja Stepanovic isə özünə klub tapdığı üçün AZAL-a gəlməkdən imtina edib.

Qeyd edək ki, bakılılar yerli futbolçulardan Emin Ağaməmmədli, Elgün Abbasov və Cavid Rəhimovu da düşərgəsinə cəlb edib.

• Almaniya millisinin heyəti açıqlandı: Nübel çağırıldı, Sane kənarda qaldı
• Bir dövrün sonu - Ronaldo milli karyerasını başa vurdu
• Djorkaeff Ermənistan Futbol Federasiyasının prezidenti olacaq? - Paşinyan cavab verdi
• "Beşiktaş" və "Trabzonspor"un oyunları bu kanallarda - TV AFİŞA
• Mourinyo "Real"ın tarixinə düşdü - Ançelottini qabaqladı