Bu gün Rusiyanın Sankt-Peterburq şəhərində “Birlik kuboku”na start verilib. Apasport.az saytının məlumatına görə, yarışda Azərbaycanı təmsil edən son ölkə çempionu “İnter” klubu ilk imtahanına çıxıb.

Kaxaber Sxadadzenin yetirmələri I turda Qırğızıstanın “Neftçi” klubu ilə münasibətlərinə aydınlıq gətiriblər. Koçkor-Ata təmsilçiləri ilə qarşılaşan futbolçularımız “Birlik kuboku”na darmadağınla başlayıblar. Onlar yarışda debüt edən “Neftçi”nin qapısından 3 cavabsız top keçiriblər.

Sabah baş tutacaq II turda Bakı klubu “İstiqlal”la qarşılaşacaq. Oyun saat 12:00-da başlayacaq.

Qeyd edək ki, “İnter”in yer aldığı A qrupunun digər matçında “İskra-Stal” (Rıbnitsa, Moldova) və “İstiqlal” (Düşənbə, Tacikistan) oyundan heç-heçə ilə ayrılıblar.

15 yanvar
“İnter” – “Neftçi” - 3:0
QOL: Karlsons, 20, Çertoqanov, 45, Yeqorov, 78
Peterburq İdman Konsert Kompleksi

“İnter”: Lomaya, Çertoqanov, Əmiraslanov, Çervenka, Zlatinov, Levin, Kandelaki, Odikadze, Karlsons, Abramidze, Mjavanadze.

“Neftçi”: Pryadkin, Keker, Karyak, Rəhmancanov, Mamatov, Piliças, Tarasov, Kozibayev, Petroşeviç, Bayko, Cumatayev.

“İskra-Stal” - “İstiqlal” - 1:1
“Zenit” İdman Oyunları Sarayı

• Türkiyə Kubokunda maraqlı an: İkardi penaltini iki dəfə qaçırdı - VİDEO
• “İnter”in heyətində ciddi itki
• Super Liqa klubunda yeni təyinat
• Verner MLS yolunda
• “Fənər”in daha bir futbolçusu “Kasımpaşa”ya keçə bilər