Türkiyədə hazırlıqlarını davam etdirən “Xəzər Lənkəran” 5 legionerlə müqavilə bağlamağa hazırlaşır. Apasport.az saytının Antalyaya ezam olunan əməkdaşının məlumatına görə, baş məşqçi Mirça Rednik baxışda bəyəndiyi futbolçuların adlarını komanda rəhbərliyinə təqdim edib.

Bu gün tibbi müayinədən keçdikdən sonra həmin futbolçularla münasibətlər rəsmiləşəcək. Bəyənilən legionerlərdən biri portuqaliyalı Simao Brunodur. 25 yaşlı cinah oyunçusu həm müdafiənin, həm də yarımmüdafiənin solunda oynamağı bacarır.

Digər 4 futbolçu isə rumıniyalıdır. Adrian Skarlatake müdafiənin mərkəzində oynayır. Andrey Muroşan dayaq yarımmüdafiəçisi, Muşad Nikolau sol cinah müdafiəçisi, Kosmin Vatka isə qapıçıdır.

• Türkiyə Kubokunda maraqlı an: İkardi penaltini iki dəfə qaçırdı - VİDEO
• “İnter”in heyətində ciddi itki
• Super Liqa klubunda yeni təyinat
• Verner MLS yolunda
• “Fənər”in daha bir futbolçusu “Kasımpaşa”ya keçə bilər